Të nderuar prindër,

Njoftojmë se Aplikimet për regjistrim të fëmijëve/nxënësve për Klasat e Para (SHF), viti shkollor 2021-2022, do të bëhen me:

8 qershor – fëmijët e atyre prindërve që aktualisht kanë një fëmijë/nxënës që vijon mësimin në Shkollën “Don Bosko” dhe fëmijët e Stafit të QSE “Don Bosko”;

9 qershor – për të gjithë të interesuarit tjerë (që nuk hyjnë në grupin e parë);

Aplikimet fillojnë nga ora 08.00 deri në orën 16.00. Njoftojmë se vendet e disponueshme janë të kufizuara.

Prindërit që vijnë për të aplikuar, duhet të kenë me vete Certifikatën/Ekstraktin e lindjes së fëmijëve të tyre dhe nuk pranohen aplikime për ata fëmijë të cilët më 01 shtator 2021 nuk do kenë të mbushur 6 vjeç (d.m.th. nuk pranohen Aplikimet për fëmijët të cilët kanë lindur pas datës 01 shtator 2015).

Aplikimi mund të bëhet vetëm nga prindërit, ose nga një familjar i afërm që ka Autorizimin e prindit me shkrim. Të gjithë qytetarët që vijnë për të dorëzuar Aplikimin janë të obliguar që të mbajnë masat e caktuara na Ministria e shëndetësisë: të mbajnë distancën e duhur, të kenë dorezat dhe maskën dhe të pastrojnë duart me dezinfektues (që gjendet në hyrje të Shkollës).

P.S – Në rast se në datat e lartpërmendura (8-9 qershor) qytetarët do kenë të kufizuar kohën e qarkullimit, – për shkak të gjendjes së “pandemisë” – atëherë këto data do të shtyhen për një moment tjetër, për të cilin do ju njoftojmë me kohë në po të njëjtën faqe Web (së paku një javë më herët).